Вера Бахаи в Беларуси

ВЕРА БАХАI НА БЕЛАРУСI

The Baha'i Faith in Belarus     

 

ДУХОЎНАЕ ВЫХАВАННЕ ДЗЯЦЕЙ

 

«Дзяцей нельга пакiдаць на самiх сабе ў сусвеце, поўным маральных небяспечнасцей. Пры сучасным стане грамадства дзецям прызначаны жорсткi лёс... Дзецi аказваюцца аддалёнымi ад бацькоў i iншых дарослых, незалежна ад таго, жывуць яны ва ўмовах багацця цi галечы. Гэтае аддаленне бярэ карані ў себялюбстве, выклiканым матэрыялiзмам, які ляжыць у аснове бязбожнасці, што паўсюдна ахапіла сэрцы людзей».

З ПАСЛАННЯ СУСВЕТНАГА ДОМА СПРАВЯДЛІВАСЦІ, 2000 г.

Мы ўсе бачым у навакольным сусвеце вiдавочныя праявы разбурэння маральных нормаў i iмклiвую дэградацыю маральных асноў. Разуменне гэтага патрабуе ад нас неадкладных i сталых намаганняў у iмя iнтарэсаў дзяцей i будучынi.

ЦI ДАСТАТКОВА АТРЫМАЦЬ ТОЛЬКI IНТЭЛЕКТУАЛЬНУЮ АДУКАЦЫЮ?

Мы упэўненыя, што не iснуе бацькоў, якiя не любяць сваiх дзяцей i не iмкнуцца даць iм усё лепшае, што толькi могуць. Бацькi непакояцца, каб у дзяцей было паўнавартаснае харчаванне i добрае адзенне, каб яны былi здаровыя; яны знаходзяць для сваiх дзяцей лепшыя навучальныя установы, каб развiць iх iнтэлект i дать ім карысныя звычкi, наладжваюць для iх святы i паходы ў тэатры, каб абуджаць высокiя пачуццi. Цi не робiм мы ўсяго гэтага? Безумоўна, робiм, выяўляя гэткiм чынам любоў i адказнасць у адноciнах да сваiх дзяцей, але скажыце, цi ўдзяляем мы сталую ўвагу іхняму духоўнаму выхаванню?

НЕАБХОДНАСЦЬ ДУХОЎНАГА ВЫХАВАННЯ

«Добрыя паводзiны i высокiя маральныя якасцi павiнны стаяць на першым месцы, бо, калi не сфармiраваўся характар, веды прынясуць толькi шкоду. Веды вартыя пахвалы, калi яны спалучаюцца з этычнымi паводзiнамi i дабрадзейным характарам; у адваротным выпадку, яны ёсць смяротная атрута i страшэнная небяспека».

З ПIСАННЯЎ БАХАI

Дзiцяцi шмат што даецца ад нараджэння, але ў залежнасцi ад выхавання ў раннiм дзяцiнстве у iм могуць развiвацца як добрыя, так и благiя схiльнасцi. Станаўленне асобы адбываецца, калi дзiця прымае самастойныя рашэннi i робiць выбар, за якi нясе адказнасць. Калi дзiця жыве, трымаючыся духоўных прынцыпаў, яго выбар заўсёды усвядомлены, i ён не баiцца адказнасцi, гэта, у сваю чаргу, умацоўвае ў iм пачуццё ўласнай годнасцi.

 

«Трэба увесь час заахвочваць у iх iмкненне здабыць найвысокiя чалавечыя дасканаласцi, каб з раннiх гадоў вучылiся яны ставiць перад сабой узвышаныя мэты, i трымалi сябе з годнасцю,…каб праяўлялi яны рашучасць i настойлiвасць ва ўсякiм добрым пачынаннi».

З ПIСАННЯЎ БАХАI

ДЗIЦЯЧЫЯ КЛАСЫ

Заняткi з дзецьмi пабудаваны на наступных прынцыпах:

• Любоў i разуменне, якiя настаўнiк праяўляе да ўсiх сваiх вучняў.

• Кожны вучань альбо вучанiца – гэта унiкальнае стварэнне Бога.

• Усе чалавечыя iстоты створаны высакароднымi.

ПРА МАТЭРЫЯЛ

Кожны урок прысвечаны вывучэнню адной з духоўных якасцей, такіх як праўдзiвасць, справядлiвасць, паслушэнства, стараннасць, уменне сябраваць, дабрыня, шчодрасць і г.д.

СЛОВА БОГА

На занятках дзецям растлумачваецца значэнне малiтваў i цытат з Свяшчэнных Пiсанняў, таму што менавiта Слова Бога аказвае дабратворнае ўздзеянне на сэрдца дзiцяцi. На занятках настаўнiкi распавядаюць дзецям розныя гiсторыi i пасля разам іх абмяркоўваюць. Якое значэнне могуць мець гiсторыi для выхавання дзяцей?

Шмат якiя апавяданнi iлюструюць прынцыпы i духоўныя якасцi i паказваюць нам, як ужываць iх у жыццi.

Нехта аднойчы сказаў, што праца дзяцей – гэта гульня.

Гульнi дапамагаюць дзецям пазнаваць i асвойваць мноства звычак i паняццяў, з дапамогай гульняў дзецi вучацца аб’ядноўвацца дзеля супольнай дзейнасцi, засяроджвать увагу, падпарадкоўвацца правiлам i кiраваць сваiмi рухамi. У кожны ўрок уключаны гульнi, якiя дапамагаюць дзецям выпрацаваць пэўныя якасцi.

 

Наш тэлефон: 017-2104822